• ×

09:18 مساءً , الثلاثاء 17 أكتوبر 2017

مهرة الخيال

زيادة حجم الخط مسح إنقاص حجم الخط

ياخال لاتنشد عن الحـال ياخـال
حالي رديه وانت عنـدك خبرهـا
ماتنفع الشكوى ولاتفيـد الاقـوال
الياس حـل بدنيتـي واحتكرهـا
هم(ن)بقلبي مايشيل انـه جبـال
خيم على قلبـي وحالـي دمرهـا
من أول(ن) ليه طموحات وآمـال
مدري عن الدنيا وخافـي قدرهـا
وحلم(ن) بسيط أكون مهره لخيال
نفسي تحبه ماحد(ن) لـه جبرهـا
حنون متواضع رومنسي ورجـال
بالطيب يملكني وروحـي أسرهـا
به افتخر لامن ذكر طيب الافعـال
مواقفه بالطيـب محد(ن)حصرهـا
رجل(ن) إذا جار الزمن ليه اظـلال
اعيش في ظله ونقطـف ثمرهـا
وخابت حلومي كلها شهر شـوال
دفنتها تسعة عشر مـن شهرهـا
ومن عقب ماني مظرب لكل الأمثال
وكلن يقول الحظ يمشي بـاثرهـا
وأمي تنبأ لي بمستقبـل(ن) عـال
(هدية السلطـان بنتـي مهرهـا)
صارت حياتي كلها بكـف طبـال
من وين مـاوده حياتـي حدرهـا
تمضيبي الدنيا على مسايس الحال
وحظي من الدنيا همـوم وكدرهـا
عمار يوم أكبر طموحاتـي ريـال
ماتهـت بالدنيـا وغبـة بحرهـا
طفله ويغريني الزهر كل ما مـال
ولاعرف هـم القلـوب وسهرهـا

بواسطة : admincp
 0  0  238
جميع الأوقات بتوقيت جرينتش +1 ساعة. الوقت الآن هو 09:18 مساءً الثلاثاء 17 أكتوبر 2017.