• ×

08:43 مساءً , الإثنين 15 أكتوبر 2018

الذود

زيادة حجم الخط مسح إنقاص حجم الخط

ليتلي ذود يـدك البيـد وأحـد الـه الحالـه
كان ما والله علي خلاف فـي نجـد العذيّـه
جفت أقلام الغرام وطـوّل المحبـوب بالـه
والله إني ماهقيت ان الغضي يقسـى عليّـه
وش خطاي الا المحبه وش رجاي الاوصاله
وش يبي غير المـودة والغـلا والمقدريّـه
دللوه اللي ربوه صغيـر وأسرفبـي دلالـه
ليت لي قلبٍ يطيق الصبـر وعيـونٍ خليّـه
والغضي لو لاعه التحنـان وبقلبـه عدالـه
ما غدت من دونه القيعـان جـردٍ جرهديّـه
وإن تشرّه قايد الغزلان مالـه بـي جمالـه
لعنبو من خان خلانه وجنّـب عـن خويّـه
عن جنوبه والوله والشـوق يغنينـي شمالـه
صـد ياقلـب لا صـد وضّــاح الثنـيّـه
ما إنت يالخفّاق عبدٍ له ولا أنت أصغر عياله
أنت خفّاق الضلوع العوج والخيـره خفيّـه

بواسطة : admincp
 0  0  321
جميع الأوقات بتوقيت جرينتش +1 ساعة. الوقت الآن هو 08:43 مساءً الإثنين 15 أكتوبر 2018.